شعر بدوي عن الأب

• ذات صلة
• شعر مدح بدوي عن الأب
• شعر بدوي عن الرجولة

if (checkScenario(“Leaderboard”) == “mobile”) {
document.getElementById(‘art_leaderboard_mobile’).insertAdjacentHTML(‘beforebegin’, ‘

‘);
}

قصيدة: المدح لا مني بغيت أمدح إنسان

الشاعر بدر الضبعان:

المدح لامني بغيت أمدح أنسان

أجيب من شرد قصيدي فرايد

وأرضيه من جزل القوافي والألحان

لو كان بعض الناس مرضية كايد

لا صار له قدر ومعزة وسلطان

بقلوبنا من بين كل البدايد

أبوي وأن مريت باسمه ولاهان

تعجز حروفي تنصفه بالقصايد

لأنه عظيم ولا يبي فيه برهان

ولأنه كبير ولا يبي له شهايد

ولأنه كريم ولا يجي فيه نقصان

ولأنه فريد من الرجال الفرايد

ولأنه أبوي وتاج راسي وعنوان

مجدي على مر السنين البعايد

لامن طروه الناس في كل ديوان

if (checkScenario(“MPU”) == “mobile”) {
document.getElementById(‘art_mpu_mobile’).insertAdjacentHTML(‘beforebegin’, ‘

‘);
}

ما قيل غير أنه على الناس زايد

يا ما بنوا للطيب من طيبته شان

وصارت لهم أصغر فعوله عوايد

قلبه وطن للي شكى مر الأزمان

مزبن خويه بالليال الشدايد

الله يقدرني على رد الإحسان

وأعطيه من باقي سنيني مدايد .

قصيدة: يا بوي جعلك للبقا والمكاسيب

الشاعرة العنزية:

يا بوي جعلك للبقا والمكاسيب

عمري بدونك يالذّرا ويش أبي به

يا بوي تسأل عن شفاك المراقيب

طلعة سواتك للنّوايف غريبه

ليه المرض ما يعرف الزّين والعيب

ما يدري إنك للمخاليق هيبة!!

أبسألك وش به غزا وجهك الشيب

والقلب لايع والنواظر شحيبة

وش بك تحاتي لانوى الموت تغريب

تخشى علينا بالليّالي الكئيبة

خذ دلّتك واركى على مسند الجيب

وعطني شماغك بلثمة وأحتمي به

ونروّح لأرض ٍ بها العشب والطيب

وتسمع كلام ٍ يالغلا تحتفي به

يا بوي بنتك لا انحكى بالتّجاريب

كل ٍ يشق لهيبةه الصّيت جيبة

يا بوي ماني من سوات المخاريب

اللّي تجيب لعليَة القوم خيبة

وماني من اللّي لامشت حفّها الرّيب

أنا من اللّي مايدنّس حليبه

مرفوع شاني عن غرام المكاتيب

وأكبر من إنّني أرتضي بالحبيبة

أنا غرامي لا ابتدوا بالتّراحيب

نفوس الأوادم في وجودي رحيبه

وإن كان زيني فتنة ٍ للمصاويب

أحط وجهي بالحريق ولهيبة

زيني أبيعه وأشتري سمعه الطّيب

اسم ٍ ينومس بالصّروح الذّهيبة

وإن كان عندي (بالحلا) شي اصعيب

عندي جدود ٍ مارضت بالغليبة

دموع القبايل في لقانا مساكيب

كن المقابر لاحضرنا قريبة

خضّبت لك كفّي من العز تخضيب

ورفعت راسي للنّجوم الصّعيبة

والله لأسدّك بالفعول المصاليب

والله لأشيلك بالرخا والمصيبة

طلع المعالي ما انحكم للشّواريب

بنتٍ وأناطح فارس القوم طيبه

ويا شيخي إبشر لو تدور الدّواليب

بنتك إلا منّه عوى الذّيب (ذيبة)

قصيدة: يا بوي أكتب فيك من الشعر أبيات

شاعر مجهول:

يا بوي أكتب فيك من الشعر أبيات

يحلى فيك أجمل وأحلى قصيدة

عساك دايم مني قريب المسافات

لأجلك تهون المسافة لو هي بعيدة

لا غبت عني عسى ما طول الغيبات

ونشوفك كل يوم وأعوام مديدة

دوم على البال يا عزيز الصفات

كل خطوة فيك صح ورأيك سديدة

غيبتك تزيد من الحب عبرات

وأنتظر كل يوم منك أخبار جديدة

غالي ابن غالي من غير لفات

الله يديمك على المحبة أيام سعيدة

أرجوك لا تبتعد وتزيل كل زلات

عن الغالي اللي أحبه ويا مر وأزيده

قصيدة: العين صبت دمع ما مس جفنها النوم

شاعر مجهول:

العين صبت دمع ما مس جفنه النوم

من شفت إني الأبو خالي مكانه

اليوم يا بويه وين رحلت والمن عفت الهموم

أو تدري إني من الحزن متعذب أو ملجوم

بعدك أذل أو علي وأكضي العمر مسكوم

ما ظن بعد وسط العين ظل ماي

يا شمعة الدنيا بغيابك ظل ماي

ما سامع يبويه بيوم ظل ماي

الظل للشجر واضح هو فيه وأدري

إنت في الشجر وأكثر بعد منه وأيامه

قصيدة: ترتجيني يا عسى الله ما يخيب لك رجاء

الشاعر فزاع:

ترتجيني ياعسى الله ما يخيب لك رجاك

صاين عهدت ألاهك باليدين وبالمتون

الحقيقة وانت تدري ما يعززني سواك

والسبب واضح على اللي يدركون ويفهمون

والشعر وإن كنت بمدح بالشعر هذا وذاك

إنت حقك فوق هامات القصايد واللحون

العفو وأستغفر الله بس أحس إنك ملاك

ساع تجلس وأتكلم بمتلي صدري سكون

واتطمن وأملك الدنيا بجلساتي معاك

وإن تنهض عز طرفك تنكسر كلّ العيون

والله إني لو كثر خيري فأنا خيري ذراك ويش أكون؟

شوفني رجال كامل بس دونك

وش يكون العمر من دون اجتهادي في غلاك

وش يكون العطف والرحمة بدونك وش تكون؟

يا يبه تكفى لعاد تشيل هم في حشاك

يكفي إنك قد تجرعت الليالي والغبون

يا يبه يا نور عيني شب عمري في هناك

والله إنه أبرد من الما على كبد الظعون

يا يبه يا جعل روحي فدوة لموطئ خطاك

حطني بينك وبين الوقت وكبار الطعون

ايبه يا جار كبدي أنذبح ولا أعصاك

عقب اللي قولوا وقالوا وهم ما يفعلون

العمر والنفس واللي أملكه كله فداك

وأعرف إنه ربع حقك وانت حقك ما يهون

قصيدة: كلمة شكر يا بوي ما توفّي الشعور

الشاعرة بنت المعاني:

كلمة شكر يا بوي ما توفي الشعور

وإحساسي صوبك يا بعدي أكبر كثير

مهما شكرتك لازم أشعر بالقصور

لأن عيني دايم تشوفك كبير

تتكحل عيوني ويغمرها السرور 

كل ما تشوفك مبتسم قلبي يطير

يا نور كل ما شفته زاد بوجهي نور

ما دامك أنت بخير

هالدنيا بخير يا بوي لو لفيت أنا العالم أدور

بلقاك شي بها الزمن ماله نظير

يعني اختصار اللي بقوله من شعور

روحي يا أغلى ناسها تحبك كثير

قصيدة: يا بوي ليتك حيّ وتشوف حالي

الشاعر فهد الديحايي:

يا بوي ليتك حيّ وتشوف حالي

تشوف وش هو صار من بعد فرقاك

صار الوطن بعدك من الناس خالي

صار الوطن غربة بعد ما فقدناك

يا بوي أنا بعدك سهير الليالي

مقهور من دنياي منّـا ومنّاك

حدتني الدنيا وأنا راس مالي

إني عزيز النفس مثلك وشرواك

ما في شي في حياتي صفا لي

حتى الورود إن جيتها صارت أشواك

أطيح وأحمل عليه أثقالي

وأتخيلك مدّيت لي كف يمناك

بعدك ولا مرة ترى ارتاح بالي

أصفّق على كفي ندم واتحراك

من ضيقتي اياكم أصّدق خيالي

وأقوم أدوّر عنّك وأقول بلقاك

أضيع بالعالم وهمي سؤالي

هو أنت وينك ليه ما عاد شفناك

أدري لو إنك حي يا عز غالي

يمديك تفزع قبل ماجيك وأنخاك

ويلاه يا حالي وما هو جرالي

ويلاه يا قلبٍ تعذب في طرياك

ويلاه يا بويه من أول وتالي

لا والله أول كان ينجيني ادّعاك

واليوم من بعدك وش اللي بقالي

غير إني أدعي ربي يغفر خطاياك

يالله حطّه وسط منزال عالي

في جنة الفردوس يارب الأفلاك

واغفر ذنوبه ياعزيز الجلالي

واشرح لي صدرٍ ضاق من جور دنياك

قصيدة: أبوك قبل الله مع الوقت يبلاك

الشاعر سعود العواجي:

أبوك قبل الله مع الوقت يبلاك

قدم له الطاعة وأحسن تأدبك

وصاك ربي والنبي فيه وصاك

من قبل لا يوصيك بأغلى قرايبك

بتشوف كأنك حتى ناتج سواياك

لذلك احرص قبل ربي يعاقبك

اسعَ وقول يابُوي أدور رضاك

ما جيتك إلا ودي أسمع مطالبك

ولا تصد لا طرّاك باسمك وناداك

قل سمّ وأمر لا تلقيه غاربك

وش عاد لو يأمرك دايم وينهاك

عيب بوجه أبوك تعقد حواجبك

هذا أبوك اللي من المهد ربّاك

حتى قوى عودك وخطت شواربك

يومك طفل ما تشرب الماء بيمناك

كم جيت له ضامي وبيديه شرّبك

يشيلك إن شافك تعثرت بخطاك

يخاف حتى من المشي لا يتعبك

حتى الحكي لا من تلعثم به شفاك

يعلمك نطق الحروف ويدربك

يرتاح لا شاف الفرح في محياك

ويزعل على اللي يحر قلبك ويغضبك

يا ما كتم حزنه وهو يسمع بكاك

وإن حس يضيقتك ضمك ولاعبك

واليا طلبته حاجة قال تفداك

ما يوم خلا بخاطرك شي يعجبك

أبوك لا حدك زمانك على أقصاك

ما صد عنك لو تكاثر مصايبك

هو الوحيد اللي ليا احتج لك جاك

في وقت ما تلقى حبيبك وصاحبك

لا خطيت في حقه دمح لك خطاياك

حتى لو تقصر معه ما يحاسبك

أعطه ولا تبخل عليه بعطاياك

ولا تنتظر منه يجي لك ويطلبك

بره ما دامه عايش الوقت وياك

أخاف لا من مات قلبك يأنبك

إذا خسرت أبوك خسرت دنياك

رح عاد حس بوقتها وشمكاسبك