محتويات
- ١ رباعية صلاح جاهين في خوفه من الفناء
- ٢ رباعية صلاح جاهين في وصفه للربيع والموت
- ٣ رباعية صلاح جاهين في وصفه للحياة والموت
- ٤ رباعية صلاح جاهين في وصفه للدفن
- ٥ رباعية صلاح جاهين عن الكون
- ٦ رباعية صلاح جاهين عن الشر في الدنيا
- ٧ رباعيته صلاح جاهين عن أصل الخلق.
- ٨ التعجب والاندهاش في رباعيات جاهين من الحياة.
- ٩ حكمة الوجود في رباعيات صلاح جاهين
- ١٠ المراجع
- أحب أعيش ولو أعيش في الغابات
- أصحى كما ولدتني أمي وأبات
- طاير… حيوان… حشرة… بشره بس أعيش
- محلا الحياة حتى في هيئة نبات
- عجبى..[١]
- ودخل الربيع يضحك لقاني حزين
- نده الربيع على اسمي لما قلت مين
- حط الربيع أزهاره جنبي وراح
- وايش تعمل الأزهار للميتين
- عجبى…[٢]
- خرج ابن آدم من العدم قلت ياه
- رجع ابن آدم للعد قلت: ياه
- تراب بيحيا… وحي بصير تراب
- الأصل هو الموت ولا الحياة؟
- وعجبي!![٣]
- ضريح رخام فيه السعيد اندفن
- وحفرة فيها الشريد من غير كفن
- مريت عليهم… قلت يا للعجب
- لا تنين ريحتهم ليها نفس العفن
- عجبي!![٣]
- الكون ده كيف موجود من غير حدود
:وفيه عقارب ليه وتعابين ودود؟؟
- عالم مجرب فات وقال سلامات
- ده ياما في سؤال من غير ردود
- عجبي!![٣]
- نوح راح لحاله والطوفان استمر
- مركبنا تايهة لسه مش لاقية بر
- آه م الطوفان وآهين يا بر الأمان
- إزاي تبان والدنيا غرقانة هم
- عجبى!!![٤]
- مع أن كل الخلق من أصل طين
- وكلهم بينزلوا مغمضين
- بعد الدقائق والشهور والسنيين
- تلاقي ناس أشرار وناس طيبين
- عجبى!![٥]
- مرغم عليم يا صبح مغصوب يا ليل…
- لا دخلتها برجيا ولا كانلي ميل…
- شايلني شيل دخت أنا في الحياة…
- وبكره حاخرج منها شايلني شيل…
- عجبي!![٦]
- وكل شيء مالهوش طعم ولا لون ولا حتى ريحة، حتى لو…
- كان الدنيا ربيع…
- نسمة ربع لكن بتكوي الوشوش…
- طيور جميلة بس من غير عشوش
- هي الحياة كده كلها في الفاشوش
- عجبي!!
- ↑ تقديم يحيى حقي، رباعيات صلاح جاهين، صفحة 21. بتصرّف.
- ↑ تقديم يحيى حقي، رباعيات صلاح جاهين، صفحة 23. بتصرّف.
- ^ أ ب ت الناشر دار الصفوة ، الأعمال الكاملة للشاعر صلاح جاهين، صفحة 163. بتصرّف.
- ↑ الناشر دار صفوة، الأعمال الكاملة للشاعر صلاح جاهين، صفحة 166.
- ↑ محمود محمد علي، من رباعيات عمر الخيام إلى رباعيات صلاح جاهين قراءة في جدل السؤال والاندهاش، صفحة 24.
- ↑ محمود محمد علي، من رباعيات عمر الخيام إلى رباعيات صلاح جاهين قراءة في جدل السؤال والاندهاش، صفحة 25-26.
