كلام فى حب مصر

• ذات صلة
• أجمل ما قيل في حب مصر
• كلام جميل عن مصر أم الدنيا

if (checkScenario(“Leaderboard”) == “mobile”) {
document.getElementById(‘art_leaderboard_mobile’).insertAdjacentHTML(‘beforebegin’, ‘

‘);
}

أجمل شعر في حب مصر

مكتوب في بطاقتي الشخصية

أنا دمي سكر زي النيل

وملامحي ملامح مصرية

والنيل مرسوم جوه عروقي

وعيوني عيون فرعونية

وخدودي جبالك وهضابك

وصوابعي صوابع عسلية

وشفايفي باسمك موشومة

وصوتي نغم سمسمية

مكتوب في بطاقتي الشخصية

الصبح أنا بفطر علي شوفك

وعشايا حبك يا بهية

والليل بتمشي على شطوتك

عاشق لياليكي السحرية

والقلب معلق في هواكي

على قد ما كان عشقك ليا

وكمان مكتوب جوه بطاقتي

على روح الوحدة الوطنية

مكتوب في بطاقتي الشخصية

كما قيل أيضًا:

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

if (checkScenario(“MPU”) == “mobile”) {
document.getElementById(‘art_mpu_mobile’).insertAdjacentHTML(‘beforebegin’, ‘

‘);
}

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة..أزورها..واطل

ألقى النديم طل من مطرح منا طليت

وألقاها برواز معلق عندنا في البيت

فيه القمر مصطفى حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور..أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وأنفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة فأبو قرقاص

ما تعرف اللي بترها سيف والا رصاص

وإلا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحي جميع الجيش

على اسم مصر

النخل في العالي والنيل ماشي طوالي

معكوسة فيه الصـور..مقلوبة وأنا مالي

يا ولاد أنا فحالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنية قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر

مصر..التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطة مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

أنا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها..والجدال يشتد

أجمل شعر عن مصر

نحن الجنود

أبناء الأسود

أبناء من عبروا وحطموا القيود

أبناؤك يا مصر الخلود

نعاهدك يا مصر بأن نكون

فوق الجبال تحت التلال أمامها أسود

سفينة الحق تجرى أمامك يا مصر

تحمي السلام

تبث الأمان ترمى الورود

شراعها يطوى السماء

يشق البحار والأنهار يبغي النهوض

يا مصر إذا كانت حياتنا ثمن بقاءك

ها هيا تبغي الخلود

نحن الجنود نطوي السماء

نرفع الرايات خلف الحدود

شعارنا للمجد للعلا للصعود

مصر الخلود بحمى رجالك الفهود

لن نخاف الموت وبدمائنا نحمي العهود

وإذا العدو يوماً تطاول

فنحن يا مصر الصمود

بالأمل لا بالغرور نحقق السلام

نبث الأمان نرتقي إلى العلا إلى الامام

يا مصر عشتي وعاشوا رجالك

أوفياء أقوياء شجعان

كانو يا مصر النور

لما كان في الدنيا الظلام

كانو يا مصر السفينة

لما كانت ساعة الطوفان

رجالك يا مصر حربو

ضحوا عبرو

رجالك يا مصر قالو

تحيا مصر ويسقط الطغيان

بص شوف يا جندى واسأل

عن رجال كانو هناك

على أرض سينا الغالية

فوق الرمال وقفين

صحيين وسلحهم بين ايديهم

وحالفين ما ييجى يوم عليكى يا مصر تعيشي في ظلام

بص شوف يا مصرى وأسأل كام

سنة عشنا في سلام

ومين يا مصري ضحى بحياته

ومين يا مصري عايش ولسه شايل ذكرياته

أجمل شعر عن حضارة وجمال مصر

مصر يا أم الحضارة والعصر مصر يا أم الطيابة والأصل

مصر يا أم النيل الجديـــــــد مصر يا أم الوادي الجديــد

مصـــــــــــــــر بلادي أحبها من كل دمي وفؤادي

مصر يا أم الأراضي الخضراء مصر يا أم السماء الزرقاء

مصر يا أم العلم والعلماء مصر يا أم الفقه والفقهاء

مصـــــــــــــــر بلادي أحبها من كل دمي وفؤادي

مصر يا أم الجبال الصفراء مصر يا أم النخيل الخضراء

مصر يا أم المياه العذباء مصر يا أم القلوب البيضاء

مصـــــــــــــــر بلادي أحبها من كل دمي وفؤادي

مصر يا أم الشعر والشعراء مصر يا أم أمير الشعراء

مصر يا أم المنيا عروس الصعيد في الدنيا

مصر يا أم الإسكندرية عروس البحر الأبيض دي حاجة تانية