شعر بدوي حزين

• ذات صلة
• شعر نبطي حزين
• شعر بدوي عن الشوق

يقول الشاعر صاحب الأبيات واصفًا فضيلة الصمت في عزّ الأحزان والمشاكل:

الصمت يكفي ويشفي صدر راعيه

لا صار كل الحكي ماله معاني

والقلب ما عاد تعنيه المشا ريه

والعين ما عاد تغريها الأماني

يا ليت حزني مجرد دمع وأبكيه

ما هو عايش معي بين المجاني

ما هو يظهر علي وأحاول أخفيه

وتصير نظرات حزني هي لساني

مدري ذكرني زمان كنت ناسيه

مدري ذكرت الزمان اللي نساني

يقول الشاعر أحمد علوي واصفًا حنينه للزمن القديم، ويقارنه بالوقت الحالي:

زمان أول يا ليته يعود زمان أول مهوب الحين

زمان الحين فيه الناس تخون وتنسى لية خانت

تغير كل شي وراح ياعيني وراحوا الطيبين

وهان الطيب وأهل الطيب وحتى قلوبهم هانت

أقول العين لا تبكي شيفيد الدمع لو تبكين

حرام أهل القساوة تشوف دموع الطيب لو بانت

تغير كل شي وراح ياعيني وراحوا الطيبين

وهان الطيب وأهل الطيب وحتى قلوبهم هانت

أعيش أيامي زي ما أعيش وأقول أيامي بكرة تزين

ولا مرة لقيت الناس عليا قلوبهم لانت

تغير كل شي وراح ياعيني وراحوا الطيبين

وهان الطيب وأهل الطيب وحتى قلوبهم هانت

يقول الشاعر صاحب الأبيات واصفًا انكسار قلبه من قلّة سؤال محبوبة عنه:

ما بقيت أبغي سؤالك عني اليوم وما أريده

ما أريد قلبك دام هذي خطاويك

عفت الهوى من بعد ما شفت دنياه

عفت الليالي كلها في تجافيك

بكى ندم بعد فرقاه

وأكتب قصيدة الحزن بفراقه

يصعب على قلبي ينساه

أريده ولكن عزة نفسي تقول ما بيك

ضيعت بأيديك قلب حالف ما يخليك

والحين ما بي يمرني طيف ذكراه

حبي رفعك ولازم آه يعطيك

اعرف إني طريقي صعب

ولكن فراقك أصعب

حتى رجوعي أصبح صبح

ما عندي حلول ولكن بقول انسي السهر

والحزن والقهر وانسيني

عيشي حياتك كلها بدوني

حلوها ومرها يمكن تلاقى حبيب غيري

يصير لجروحك طبيب

وترجع فرحتك يوم من ثاني

وتنسى الحب وتنسيني

وتترك ديرة أحزاني

وفي ليالي الصيف

تمر جنبي كأنك ضيف

وأشوف بعيونك الفرحة

مع حبيب ثاني

أدري مقصر وياك

وأدري ما تدرين أسباب تقصيري

لو دام حبك وعلاقتنا

أنا لغيرك وانتي لغيري

لازم نقوى على الفراق

حتى لو كان بعدك تدميري

عجزت لا أدبر ظروف تحدتنا

ما قام حظي ولا فادت تدابيري

ولو أن قربك خطاء يا بيض رايتنا

يزيد قدرك غلا من زود تقديري

يا غايتي يوم تنهينا نهايتنا

تعالي أخذي من أوجاعي تعبيري

أنا وشعري وصلنا فوق طاقتنا

احزن وحزني يحبونه جماهيري

واليوم لدفن بقايا حي ميتنا

ما عاد تحيى معاذيرك معاذيري

يعيش في سكت الذكرى بدايتنا

وأسير لأحلامنا وانتي بعد سيري

يا حلو الأيام لو ترجع على كيفي

ما كان قلبي شكى فرقا مواليفه

كانوا بقربي ولا يحتاجوا تكليفي

واليوم راحوا ودمعي صعب توقيفه

من عقب الأحباب مكسورة مجاديفي

غرقان والموج يلعب بي على كفيه

يقول الشاعر صاحب الأبيات طالبًا من نفسه السفر والابتعاد ظنًّا منه أنها أفضل من رؤية المحبوبة لكنّه تبيّن أنها حزينة على فراقه:

سافِر وخل أحزان عمري تخاويك

يمكن معك تلقى حلول لضياعي

حاولت أشوه صورتك.. يوم أخليك

لقيتك أصدق من بكى في وداعي

يقول الشاعر صاحب الأبيات طالبًا من النجوم السهر معه لتسليته عن حنينه وأشواقه:

‏يا نجوم الليل تكفين اسهري

سلي الولهان لحاله حزين

مـن دخل بحـر المحبة يكتوي

كل ليلة تنزف جراحه حنين

يقول الشاعر فهد سعد:

يا الله يا المعبودي يا الرحماني

يرى ما في الخفايا والخطايا

أذرف وأنا أعطيها

كذا الإنسان إن كان ما جا الذنوب يجنّه

أطلبك ربي بالعفو والغفران

وأطلبك ربي رحمتك والجنة

وإنك تديم الأمن والإيمان في موطني

وتمشينا ممشى السُّنَّة

يا موطني خيرك بين الاوطاني

وكل من يسكنك يضحك سنَّه

في وقت عبد الله يديم عزه

تفديك روحي يا وطن

أنت اللي ما أقدر أبعد عنك

بين الوطن والخالق الرحمن

أموت ما لي بعد عنه

يقول الشاعر صاحب الأبيات واصفًا مرارة شعوره بالاحتقار من ذِكرِ صفاته السيئة من دون لُطف:

كان فيني عيب قلي فيك العيب الفلاني

كان هرجي مزعلك في شي قول لي لا تعيده

جيت مابيك تحقرني جيت أبيك تعز شأني

جيت أبي فزعة ضلوعك من مشاعرك البليدة

يعلم الله شفت منك ومن غيابك ما كفاني

كان ما تقدر تخفف هم قلبي لا تزيده

يتحدث الشاعر حامد زيد في الأبيات الآتية عن مشاعر الفراق الصعبة:

على ذاك الطريق اللي يسمونه غرام أحباب

وقت رجلي على دربه ولا أدري وش نوى فيني

تبعته لآخر دروبه ألين أن القمر قد غاب

تعب قلبي، ولا تعبت مسافاتٍ توديني

لقيت الليلة الجردا: هدب ظل وسما وأعشاب

بعد ذاك الظلام اللي يتوهني عناويني

صدفتك معجبه فيني ويا ليت الغرام إعجاب

وتراك انتي الهنوف اللي هقيتك تستحقينني

عطيتك عشق من قلبي، وسلمت لغلاك رقاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنتي اللي عشقتيني ولا انتي اللي عتقتينني

تعالي واعتقي ذاك الخفوق المولع المرتاب

مهب لأجلي، عشان الله يجازيك ويجازيني

تعدي في سماء عشقي ولو عشقي خراب أصحاب

وصوني بالهوى نفسك قبل لا انتي تصونينني

وشيليني على متنك: خفوقٍ باريٍ منصاب

ومن فوق الغرام العذب، شيليني وحطيني

ولا منك هقيتيني شجاع وما يطيق يهاب

أنا لك بالهوى والله مثل ما انتي لقيتني

أنا ما أمشي ورا غيرك ولو أنه يطق الباب

وترى عيبٍ عليّ أطعن، ولو كثرت سكاكيني

زهودٍ ما يطيق الدم لا داين ولا طلاب

شجاع وعارفٍ نفسي وأظن أنك تعرفينني

غيورٍ ما عرفت أضحك مع العذر بفتور أعصاب

أبيع عيوني الثنتين قبل أنك تخونينني

إذا شد الغرام، اترك خفوقي: بين ناب وناب

لفرقي تكسر ضلوعي، ولا عشقٍ يعطيني

أنا رجلٍ ولي غيره، وإذا شفت الهوى كذاب

تثور بقلبي الفزعة ولا تهدى شياطيني

سؤالك لو يزعزع بي كياني ما قبلت عتاب

آجي لك وأسالك نفس السؤال اللي سألتني

عن العشق القديم أبواب، تقفيها كثير أبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وأبى قلبٍ علي قلبي، وأبي دينٍ على ديني

وأبي نظرة عطا توفي ولا تخلف بدون أسباب

وأبي منك قبل لا نتي تصدينني، توديني

وأبي دربٍ على العذال صعبٍ متعبٍ غلاب

وأبى نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدمعة لغيرك لو تركتني

أنا أول من عرف قدرك وأنا توي صغير وشاب

وأبي منك ما دام أنك عرفتني تحبينني

ما دام أني لقيتك في طريق اسمه غرام أحباب

دخيل الله، وبعد الله دخيلك، لا تخليني

ما دام أن كل من يحيا على وجه التراب تراب

يقول الشاعر حامد زيد واصفًا الحقد والفشل بأنها مثل شعور الأعمى في المرارة:

الظلام آليا تبرئ من مدرات النهار

يبتدي عمره ضرير وينتهي عمره ضرير

والعيون آليا عماها حقدها تبقى صغار

ما تهادي مستواها غير للعقل الصغير

والدروب اللي نهاية وصلها ذاك المسار

ما تساوت مع طموحات الفهيم المستنير

من يميز في طريق الشر حسن الاختيار

من صرخ في كل قلب مظلم بصوت النذير

من قدر يأخذ بحق التايه الضايع قرار

من دفع عمره لحب الناس لو يبقى فقير

من يقيد لكل فزعه للندم همسة شرار

من يطفي بالقلوب المدمنة نار السعير

من خلقنا ما عهدنا غير حب الافتخار

نملك الصبر الكبير ونعشق الدرب العسير

همنا نرفع بلدنا مع صفوف الازدهار

ونتذكر يوم كان ترابها فرش وحصير